السبت، 21 يونيو 2008

حاجات كتيـــر..!!


أصعب حاجة على الإنسان بتكون الحاجة اللى مش قادر يتخيل ملامحها .. هو صحيح متوقع حدوثها .. أو متأكد منه بس لأنه مش عارف ازاى هتستمر الحياة بعدها بيصاب بحالة من حالات التوهان وفقدان التركيز والقدرة على تخيل الأشياء .. سعات بقول الصح إن الإنسان يعيش اللحظة ومش لازم يتخيل بكرة فيه ايه .. بس فى نفس الوقت لو بكرة جه بدون تجهيزاته هتكون الصدمة أكبر..:(

ديه هلوسة .. هبقى اكتب سببها بعدين .. بس البوست ده كاتباه لأن وحشنى التدوين وفى نفس الوقت معنديش حاجة أقولها .. فقلت هفضفض شوية على مدونتى .. بدخل المدونة وبخرج تانى من غير ما أضيف حتى رد .. ممكن سبب كمان انى مليت شكل المدونة وعايزة أغير فيها كل شئ .. عايزة أحس بالتغيير فيها ..

أخر حاجة هقولها .. إن أجمل شئ فى الدنيا إن الإنسان يحس بـ"معية الله " .. إحساس جميل أوووى ون ربنا معاك فى كل خطوة وكل إختيار وكل قرار بتاخده فى حياتك .. والأحلى إن ربنا هيكون معاك وقت ماتحتاج انه يكون معاك ..

هناك 21 تعليقًا:

AbdElRaHmaN Ayyash يقول...

:)
ربنا يوفقك
الحاجات دي حلوة اوي
و صح جدا
بغض النظر اذا كنت انا فهمت اول حاجة وللا لا
بس كويس انك تكتبي
و الاجمل انك تفضفضي :)
اول مرة اشوف المدونة
و ان شاء الله مشهتكون الاخيرة

أمين المكتبة يقول...

اللي حضرتك بتقولي عليه ده بيسموه عدم اتضاح الرؤية .. و بيعزى ده لأسباب أهمها عدم اكتمال المعطيات اللازمة لتخيل أمر ما .. بس أقول لحضرتك حاجه .. بتقولي"مش قادر يتخيل ملامحها" أولا : الرغبة في التخيل في حالة حضرتك دي مرهقة جدا جدا .. لإن مفيش معطيات فالعقل هيقدم افتراضات قد تكون صائبة وقد لا تكون والنتيجة زيادة في القلق والتعب والارهاق الذهني وقد يتطور ليصبح تعب نفسي .. وعلى إيه ده كله ! غالبا بيكون الوقت كافي جدا لإعطائك جميع المعطيات اللي محتجاها للتخيل وغالبا بيكون الأمر بيتطلب بعض الشجاعه للمواجهة بالمخاوف أو بعضها ودائما أقصر الطرق للوصل بين نقطتين الخط المستقيم .. المباشرة والصراحة بيساعدوا كتير جدا .. وزي ما بتقولي ضروري ان الواحد يعيش اللحظة .. ساعات بنظلم نفسنا بالمخاوف دي وبنضيع أجمل اوقات العمر بينما لو الموضوع كان أكتر بساطة كنا ارتحنا كتيييير .. زي ما بتقولي عيشي اللحظة واستفيدي منها لتكوين صورة واضحة وكاملة وواجهي مخاوفك هترتاحي وهيصبح لديك الرؤية واضحة المعالم اللي محتجاها .. :)

غير معرف يقول...

والله جميل جدا الواحد يفضفض فعلااللى جواه وعلى فكرة الحاله اللى انتى فيها دى فعلا الواحد مر بيها كتير بس انا اكتشفت ان مفيش احلى من انك تعيشى اللحظه الحاليه ومتفكريش كتير او متشغليش نفسك جامد باللى جاى لان فعلا فيه حاجات كتير مش هتقدرى تتخيليها لانها فى علم الغيب ومعطياتها كلها مش معاك زى متفضل الاخ امين المكتبةوقال .. وطالما انتى فعلا حاسه بمعيه الله وان ربنا معاك على طول متشيليش هم اللى جاى ...ويا رب يوفقك يا اوشا ويشرحلك صدرك وينور لك طريقك ....عيشى يا بنتى اللحظات الحلوة ومتشغليش نفسك باللى جاى ..متسيبيهاش تروح منك وبعدين تقولى ياريت ..... ....ام ندى

جنّي يقول...

الإنتظار من الأشياء التي يرفضها الإنسان سواء لأشياء حسنة أو سيئة .. الحسنة لخوفه من عدم حدوثها والسيئة لسوئها .. والعوام قالوا زمان ( وقوع البلا ولا انتظاره ) ..
وعلينا أن ندعو الله أن يقدر لنا الخير ثم يرضنا به ..

رزقك الله الخير

آفاق الحرية يقول...

ما اجمل ان نستشعر بمعية الله
ما اجمل ان نتوكل علي الله في كل شئ ونكون مطمئنين ان الله معنا دائما

غير معرف يقول...

جميلة الفضفضة
حتى لو ما حد فهم قصدك
المهم انتي فاهمة
وعارفة اللي بتفضفض بيه
والأهمتشعري انك ارتحتي
وأكيد ما في مثل الشعور بمعية الله
وكمان اليقين الدائم بمعية الله
تحياتي

بحبك يامصر يقول...

يا مصر اللى مشفتهاش او عائشه

شوفتى بقه المدونه فايدتها جميله ازاى لقيتى مكان تفضفضى فيه وتطرحى تصوراتك لاى شئ انتى حابه تتكلمى عنه على راى احمد فؤاد نجم مسمى مدونته (المكنه)بضم الميم
ههههههههه
تحياتى

محمد عبد القوى يقول...

تقدرى تهلوسى براحتك
تفضفضى
لأن ده هيريحك يوخلينا نفهمك اكتر
حتى لو كان الكلام مش مترتب ومش واضح
على الأقل هيدينا فكرة عن الحالة العامة
مستنين بوسيت حقيقى قريب
------------------------
بوست جديد على قلم الحرية وأخر على من غير شعارات
أتمنى انهم يعجبوكى

Unknown يقول...

ابشروا .. هنقفل المدونات ونقعد فى البيت
يوم الاربعاء 9/7/2008

فى المصرى اليوم كتب الاستاذ / مجدى الجلاد عن مشروع جديد

لتقييد الحريات واليكم المقال
---------------------------------------

قانون «ذبح» الفضائيات .. والـ «فيس بوك»!

ادعوكم لبحث هذا الموضوع الخطير قبل فوات الاوان

جنّي يقول...

إخواني أخواتي الأعزاء

السلام عليكم ورحمة الله وبركاته

استودعكم الله الذي لا تضيع ودائعه

إجازة من التدوين ...

ولكني سأكون على تواصل معكم بزيارة مدوناتكم ...

أرجو أن تسامحوني على تقصيري في حقكم ...

وتفضلوا بقراءة البوست الأخير ...

إلى اللقاء والسلام عليكم ورحمة الله وبركاته

أخوكم

said

Unknown يقول...

كلماتك جميلة
وتأخذك لعالم روحانى
وهادئ
به الكثير من الجمال والتسامح والحب
اللهم ارزقنا حبك وحب من احبك وحب عمل يقربنا منك يارب العالمين
برافوا عليك

Unknown يقول...

بس سؤال
لية الغيبة ؟
والانقطاع ؟؟

MoHaMeD - AmEeN - Al.MaSrY يقول...

كلامك صح
لك التحية

جنّي يقول...

السلام عليكم ورحمة الله وبركاته

كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
كل عام وأنتم معتمرون
كل عام وأنتم قائمون ليلة القدر
كل عام وأمتكم الإسلامية منتصرة

اللهم بلغنا رمضان وأهلّه علينا بالسلامة والإسلام واليمن والبركات والنصر والتمكين

أخوكم
سعيد

Unknown يقول...

مرور للتهنئة بقدوم شهر رمضان وتمنياتى بان ننال منه الكثير ...لا تدع الفرصة تفوتك باغتنام هذا الشهر الذى فضله الله على باقى الشهور
ودعواتى لكم جميعا بقبول اعمالكم وعباداتكم وان نكون مع الرسول ان شاء الله ..سعيد بزيارتى ومرورى والى لقاء قريب لك كل التحية والتقدير

أنفاس الصباح يقول...

مدونةجميلة

موضوعاتها جذابة

واسلوب العرض ظريف وفيه موضوعية

بس ياخسارة

صاحبتها هجراها من زمان

خسارة انى جيت وملقيتش حد

كل عام وانت من عتقاء هذا الشهر الكريم
اختك :ايمان

Unknown يقول...

عبر عن ما بداخلك...يأتيك الأفضل دائما بحياتك
احب اهنئك على اختيارك للأطلاع عن ما بداخلك

جنّي يقول...

السلام عليكم


تقبل الله منا ومنكم الصيام والقيام ايمانا واحتسابا لوجه الله الكريم

وعفا الله عنا وعنكم في ليلة القدر

DoMaLaYs يقول...

احلى فضفضه تتسمع بصراحه

احييكي على البوست كان مقنع و شيق الى حد كبير

hasona يقول...

السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
وتدبر معانيه وفهمها علي النحو الصحيح
ورطب ألسنتنا بذكرك يا الله

عايز أقول اننا في أيام مباركة ويجب استثمارها في الخير والتقرب من الله

د.عمرو يقول...

والله الحجات دي جميلة بس اعتقد ان التغير حضرتك محتاجه في حاجات طتير ف حياتك......المدونه شئ منها....