عدنا والعود أحمد..:)إنهاردة بس حسيت إنى رجعت لحياتى تانى .. مش بس لأنى خلصت امتحانات .. بس عشان النت كان مش شغال و رجع انهاردة ..والله مش عارفة ازاى الناس اللى قبلينا كانوا عايشين من غير نت ..
من الحاجات الغريبة اللى كانت ايام الامتحانات انى كل يوم بعد ما كنت بخلص امتحان كنت بطلع على البحر .. بس والله سبحان الله الألوان اللى بنشوفها بتختلف حسب الحالة المزاجية بتاعتنا .. لما خلصت امتحانات شفت البحر بلون تانى خااااالص..وحاجات تانية كتير ..الحمدلله ان السنة ديه عدت وياااااارب تكون بالتوفيق ليا ولكل الطلبة الغلابة ..:)
هناك 16 تعليقًا:
اجازة سعيييييييييدة ليكي وليا ان شاء الله ... بس انا اجازتى باذن الله طويييييييلة لانى خلااااااااااص كده فرييييييييييييييييي .. من الان انا حضرة الخريجة ان شاء الله :)
دعواتكم بقى ان اللى جاى يكون احلى
مدونتك حلوة يا عائشة :)
لوووووووووولة:)
السلام عليكم
ربنا يكلل عملك بالنجاح والتوفيق ..
وفعلا الدنيا في عيون الناس بجميع ألوان الطيف منهم من يراها بيضاء ( الأبيض ليس من ألوان الطيف ) ومنهم من يراها سوداء ومنهم من يراها بمبي الخ ومنهم من يراها بكل الألوان في اليوم الواحد من ساعة لساعة ..
لكن الحياة ولونها يكون دائما أجمل بطاعة الله ..
تحيتي
SAID
الحمد لله ..خلصت الامتحانات ولسه النتيجة
وان شاء الله تنجحى وتكونى سعيدة
علشان تقعدى امام النت بمزاج
سعيد بزيارتى
الحمد على السلامة
وسلامة النت
نسال الله لك التوفيق في امتحاناتك
تحياتي
السلام عليكم ورحمه الله وبركاته
حمدا لله على سلامتك من الاراضى الامتحانية اولا
بالنسبه لامر النت جربى تعيشى من غيره وهو شغال عادى يومين او ثلاثه لو لم تستطيعى فراجعى نفسك جدا
طبعا الحياة بتفكر والالوان والمناظر وكل شىء بعد العودة من عالم الضغط والتوتر والقلق
أن شاء الله ننتظر البداء فى تدوينك وانتظر ان اجد فى الزيارة القادمة ان شاء الله كل جديد ومفيد ومميز
والسلام عليكم
مبرووووووووووك على الاجازه
وان شاء الله تشوف دايما البحر لونه جميل
على الاقل انت عندك بحر شايفه فى نظرك انه جميل
انا بقى شايف الترعه اللى ساكن جنبها
واللى كلها زباله ولونها اسود
وريحتها وحشه
ده غير السحابه السوده اللى مغطيه على الشمس
كل الكلام ده انا شايفه
عقبال ما تتطلع النتيجه
مبروك علي الاجازة
وارجوا الا تنسينا في التواصل
السلام عليكم
اولا احب اشكر حضرتك كثيرا علي تشريفك للمدونة ونتمني المداومة
ثاينا مبروك علي الاجازة وان شاء الله بالتوفيق في النتيجة
يابختك البحر جنبك وبتشوفه بالوان
احنا بقي منشفش البحر الا لما بنيجي اسكندرية
مبروك الاجازة
وعقبال الامتيازات
اشتقت كتير للبحر والغرق
اصلى فاشل سباحة
وعقبالى لما اخلص امتحانات
تحياتى
مبروك :)
السلام عليكم ورحمة الله وبركاته
شارك معنا في إعادة نبض الحياة للشارع السكندري ... شارك معنا في تكوين فريق للعمل في هذا المشروع ... شارك معنا في رفع العبء عن الأسر محدودة الدخل ... نحن في انتظارك لتضع لوجو المشروع وتشارك معنا
اتحاد الأطباء العرب - لجنة الإغاثة والطوارئ - فرع الإسكندرية
الابنه الفاضلة
اولا حمدا لله على الانتهاء من الامتحانات
وعقبال ظهور النتيجة والنجاح والمرة
الجاية نشرب الشربات على باب المدونة
ثانيا اتمنى ان تقومى بتغيير لون كلمة مصر ويوضع الاحمر اعلى الكلمة بدلا من الاسود لتتمشى مع علم مصر
احمر ابيض اسود
شكرا لك والى لقاء قريب لك كل التحية
ألف مبروك على نهاية الأمتحانات ووصول النت وصلاح الحالة الامزاجية
يارب تشوفى البحر بألوانه الجديدة دايما وما تكنش حاله طارئة ولا سحابة صيف
بوست جديد على قلم الحرية ما يختلفش كتير فى مضمونة عن مضمون البوست ده
الفرق الوحيد انه شعرى
ياريت اشوف رايك هناك
حمدلله على سلامة سيادتك
و ان شاء الله تقضي اجازه سعيده
و ربنا معانا جميعاً
أستاذ حسن محمد توفيق..
العلم مقلوب ألوانه تعبير عن حال مصر المقلوب .. إن شاااء الله أول ما بلدنا تتحرر هعدل اللون .. وكمان هغير اسم المدونة خالص..هكتب مصر اللى كان نفسى أشوفها وشفتها..
إرسال تعليق