الموضوع ده رد على تعليق احمد مصرى على موضوع انجازات حكومتنا الرشيدة ..حبيت افرد للرد موضوع مخصوص لأنه هيكون رد مطول شوية ..
ahmedmisry يقول...
بصراحة أنا مصدوم فى الموضوع للدرجة دى مفيش حسنات ياخوانا راعوا ضميركم فى الكتابة انتمم مصرين تشوفوا السيئات بس بالله عليكم هل الحوادث اللى ذكرتوها مش موجودة فى اى حته فى العالم ؟راعوا ضميركم شوية وبطلوا النظرات المشخنصة ده أنا حزين جدا بصراحة وعاوز أسالك بقى ياختى الكريمة يامن وضعتى الموضوع ده هل تعليمك فى المدارس الوطنية مش حسنة هل الطرق اللى بتمشى عليها مش حسنة هل المستشفيات اللى بتروحيها مش حسنةهل الجامعة اللى انت فيها مش حسنة هل الملاهى والشواطىء أيا كان انتمائها للقطاع الحكومى أو الخاص مش حسنة وغيره وغيره انت مصريين تنحازوا للنقد الهدام وعاوزين تنحلوا من المسئولية المفروضة عليكم فى تغيرر وضع الوطن للأفضلوثقوا بأن الله لا يغير ما بقوم حتى يغيروا ما بأنفسهم وشوفوا حال العراق ولبنان وسوريا وقارنوا كده بالنعيم اللى احنا فيه ولى عودة لاحقاً مع العلم أعجبنى رد الأخ وليد المصرى سلام عليكم
أولا اجابة على أول سؤال لحضرتك هلى الحوادث ديه مش موجودة فى أى مكان فى العالم .. فأنا كتبت فى اخر البوست
ومفيش ولا حادث من الحوادث ديه عوقب فيها مسؤول أو استقال او اقيل او اى حاااااااااااجة ..
يعنى شئ طبيعى ان تحصل حوادث فى أى مكان فى العالم وفى أى دولة مهما كان تقدمها .. بس اللى مش طبيعى ان الحوادث ديه يكون فيه مسؤولين عنها أو مقصريين وكانوا سبب من أسباب حدوثها وميتعاقبش المقصر.. حتى اللى بيتعاقب بيكون كبش فدا .. موظف صغير يقال او يحاكم أو أو أو... ويترك الجانى او المسؤول الحقيقى..
ــــــــــــــــــــــــــــــــــــــــــ
المجموعة التانية من الأسألة اللى حضرتك سألتها..
هل تعليمك فى المدارس الوطنية مش حسنة؟
صراحة لا مش حسنة اطلاقا.. أنا كنت من مرحلة حضانة لإعدادى فى مدرسة خاصة وكانوا بيكلمونا كتير عن المدارس الحكومية ومساوئها بس مكنتش بصدق .. لغاية ما دخلت المرحلة الثانوية ودخلت أقرب مدرسة للبيت وكانت حكومة وأقدر أقول لحضرتك ان فعلا مرحلة الثانوى وخصوصا أولى ثانوى كانت من أسوأ مراحل عمرى .. كانت الصدمة الكبرى فى حياتى والانتقال من عالم المثالية للواقع اللى مصر فيه .. مدرس يدخل ميشرحش ولا كلمة .. والأخلاق طبعاا مش هحكى عليها أعتقد أى حد مرعلى مدرسة حكومية عرف يعنى ايه أخلاق البنات أو المدرسين فيها .. انا فضلت عشر سنين من حياتى مسمعتش ولا كلمة وحشة من مدرس أو طالب ودخلت اولى ثانيوى اتصدمت من أخلاق الناس .. والله اتصدمت وكنت برجع أعيط لماما كل يوم ..
ده طبعا بغض النظر عن ان التعليم فى مصر أصلا نظام فاااااشل جداااااا .. وبالدراسات الطفل المصرى من أذكى أطفال العالم لغاية ما يبدأ تعليم ..الكلام مش من عندى ..
وديه مش كل مساوئ المدارس الوطنية اللى حضرتك بتسأل عنها ..ديه حاجة بسيطة جدااا من الواقع .. الواقع اللى خلانى مستحملش أكمل فى المدرسة وأخدتها منازل ..
هل الطريق اللى بتمشى عليها مش حسنة؟
أنا بجد مش عارفة حضرتك بتسأل السؤال ده بجد ..؟؟؟؟؟
أنا بس ممكن أخد صورة للشارع اللى أنا ساكنة فيه ..والصورة هتكون أحسن جواب عن سؤال حضرتك..
فى شارع فى منطقة اسمها فيكتوريا فى اسكندرية الشارع متكسر جداااا ولما راحوا السكان يشتكوا فى الحى الموظف طلعلهم ورق يثبت ان الشارع متسفلت من كام شهر .. واتصرف عليه 12 مليون جنيه..!!!!!!!!!!!!!!
الـ12 مليون دول راحوا فين..؟؟؟؟؟؟؟؟؟؟
هل المستشفيات اللى بتروحيها مش حسنة؟
لا مش حسنة برده .. أكبر مثال مستشفى الميرى .. مستشفى سيئة جدااااا..شوف كمية الأهمال اللى فيها..
كانت مرة منى شاذلى استضافت أهالى ناس اتوفوا فى مستشفى .. 8 فى أسبوع واحد بنفس السبب .. تتخيل اللى ماتوا هما السبب فى موتهم..؟؟
ديه مثال المستشفيات اللى مصر ..الحكومى مافيهاش قدرات تعالج مرضى .. والخاصة بتستنزف دم الغلابة .. ومش بتعالج بدون مقدم ..!!
هل الملاهى والشواطىء أيا كان انتمائها للقطاع الحكومى أو الخاص مش حسنة وغيره ؟
هو فيه شواطئ وملاهى مش خاصة..؟؟!!!!
شواطئ اسكندرية اللى المفروض انها عامة محدش بيدخل عليها بدون ما يدفع..ده غير الكراسى والشمسيات اللى بتتأجر..والمفروض يعنى انها شواطئ غلابة ..اللى هى الشواطئ اللى المفروض انها عامة مش فينسيا وشواطئ المعمورة والمنتزة..
مين اللى سايب اى حد يقف على شاطئ وياخد فلوس عافية من الشواطئ ديه..؟؟
وعشان حضرتك بتقول حسنات وسيئات .. فالحقيقة ان مصروالحمدلله مليانة حسنات .. بس الحكومة بتاعتنا مالهاش ولا حسنة فيهم .. ده لو اتعين وزير وعمل حاجة "غلط" فى مصلحة البلد بيتشال فى أول تغيير..
النقد اللى فى الموضوع سلبى أها ..انما هدام لا.. اللى لسة بيقول فى أمل فى حومتنا يقول بعد كل مصايبهم دول فين الأمل فيهم ..
هناك 19 تعليقًا:
لا بجد بجد صعب عليا الاخ اللى معلق التعليق ده لا بصراحه يااختى انتى ظلمتى الحكومه والبلد مش عيب عليكى بردو معرفش عنك كده ابقى اتاكدى الاول من المستشفيات اللى الناس بتخشها تعبانه قيراط بتطلع ميته او بتخلص ،ولا الطرق اللى مفيش يوم يعدى الا وحوادث من غير عددبتحصل بسبب حالة الطرق ولا المدارس فعلا زى مقلتى مفيش احسن من كده ولا المرتبات بتاعة الموظفين مش ممكن على كده حاجه تجنن فعلا ولا رغيف العيش (ابسط حاجه) متوفرة بكميات رهيبه يا بنتى حتى مفيش طوابير بالساعات ولا اى حاجة وخناقات وقتل ،،بجد حكومتنا دى مفيش زيها فى العالم .. لا بجد انتى ظلمتى حكومتنا العزيزة اللى هتجيب اخرتنا كلنا عن قريب ان شاء الله ...بصراحه انا مش عارفه الاخ ده عايش فى مصر ولا فى حته تانيه اظاهرعايش فى( بلد الاحلام )..وفين الايجابيات اللى المفروض نتكلم عليها اكتبلى اى ايجابيه غير اللى احنا ردينا عليك فيها اى حاجه حلوة واحدة بس الحكومة بتعملهالنا ؟؟؟عايزة رد سريع لو سمحت ... ام ندى
بصربصراحة بكل صراحة انتوا بتفترو عل الحكومة بنت ال..... حلال .
العيش أبياااااض وكبير وزي الفل ..
والمواصلات فاضيااااااااه ..
ولا فيش سجون ولا معتقلات ..
والناس مبسوطة وشبعانة من كتر الأكل على قفاهم وكتر الشرب من كيعانهم ..
والمدارس الشرح فيها على ودنه ولا فيش دروس خصوصية وكل فصل فيه 25 تلميذ بس ..
والجامعات واخده أحسن جامعات من عشر جامعات على مستوى العالم ..
ومافيش تزوير في الإنتخابات علشان حرام ..
والناس اللي اتقتلوا في العبارة الحق عليهم ما بيعرفوش يعوموا ليه ؟
والمبيدات المسرطنة اسكتي مش طلت مش مسرطنة ولا حاجة ..
ومافيش فساد ولا سرقة أراضي الدولة ولا بيع القطاع العام ونهب فلوسه ..
ولا فيه نواب للقروض ولا نواب للكيف ..
والدنيا ربيع وبمبيييييييييي ..
روحوا الصومال ولا الواق الواق علشان تعرفوا النعمة اللي انتوا فيها ..
الحكومة تعبت أوي ويانا .. علشان كده بنقول لها استريحي وسيبي غيرك يتعب شوية ..
تحياتي
said
هو الاخ اللى كتب الرد دة مش عايش هنا و لا اية؟؟؟
كيفما تكونوا يولى عليكم
عائشه
انا شايف ان مفيش حد بيدافع عن الحكومه الا لو كان مستفاد من الوضع الموجود انما لو الهم اللى فيه الناس طايله عمره ما كان هيدافع عنهم وفى ناس خلاص بدأت تموت من الجوع.........اه والله فى ناس دلوقتى بدأت تموت من الجوع بيقولك فى احصائيه دلوقتى بتقول ان 80 فى الميه من مرتبات الموظفين فى مصر بتتصرف على الاكل والشرب السلع الغذائيه يعنى طيب الناس اللى مش لاقيه شغل بتصرف منين ....بتاكل من الزباله اه بتاكل من زبالة الفنادق والمطاعم الكبيره والله بيحصل
بالنسبه للاستاذ الللى بيقول
كيفما تكونوا يولى عليكم
انا موافق طبعا عمرى ما هعترض على الكلام ده بس اكيد مش كل المسؤليه علينا يعنى الشعب الغربى اللى كله انحلال ومفيش اى اخلاق خالص عندهم حكومات بتشوف مصالحهم ولا هما ناس بتتقى الله ؟
اسف للاطاله
تحياتى
أمتنا غير أمة الغرب فقد خصنا الله بأمور إذا انصرفنا عنها كتب علينا الضعف والهوان والفقر...واحنا انصرفنا عن حاجات كتير اوي اولهم العمل بالقران
مثال على حسنات الحكومه
مثلا المعهد الخاص اللى انا فيه
ده اكبر مثال على حال البلد
المعهد بندفع فيه كام الف جنيه
يعنى مبلغ وقدره
مفيش فيه تعليم خالص والدكتور اللى بيخش بيبقى قرفان من نفسه
مفيش مكان نقف فى المعهد لانهم كلل يوم يبنوا حتى شكل
الامن بيستفرد بينا ويقعدو يزعقولنا
ولا كأن حضرتهم اركان حرب
بيعملوا حفلات بفلوس طبعا
مثيره للاشمئزاز
عميد المعهد الراجل القدوه
بيمشى وسط اغلمعهد ويشتمنا بالفاظ مقدرش اكتبها
اهى دى اكبر حسنه فى البلد
عرفت ايه اللى بيدل على حال البلد
الأخت عائشة
السلام عليكم
ت
ح
ي
ا
ت
ي
said
السلام عليكم
دى أول مرة أدخل المدونة وبجد جميلة
وردك على الأخ دا جميل جدااااا
وزى ما قولتى ..
دا فى إسرائيل أولمرت بيتحقق معاه
وإحنا فى مصر .. مفيش حد يقدر يكح فى وش مسؤل
المسؤلين بيتلذذوا فى تعذيب الشعب
عاوز اقولك للأخ دا ...
الى ممكن يقول الكلام الى انتا قولته يا واحد مسؤال أو واحد معاه فلوس كتير وعايش فى الرفاهية ... ومش بيسمع إن الناس بتنتحر علشان مش عارفة تجوز ولادها
وناس بتنتحر علشان مش عارفة تجيب إزازة عيش
وناس تانية بتوت فى طابور العيش
وناس تانية بتتسجن علشان بتقول كلمة لا فى وش الظلم
وفيه ناس تانية بتتريش وتقعد على سرير من حرير علشان بتقول تحيا الحكومة
وفيه ناس بتتقتل فى المظاهرات الى هيا المفروض حد طبيعى
وفيه ناس دلوقوتى بتتعذب فى أقسام الشرطة علشان تعترف بجريمة هيا معملتهاش
وناس وناس وناس وناس وناس وناس
ردك جميل جدااا اختى الكريمة
أخوكى : إخوانى حتى النخاع
الأخ سيد..
معلش كانت ازمة امتحانات وعدت الحمدلله ....
اخوانى حتى النخاع ..
شرفت المدونة بالزيارة الأولى يا فندم..والحمدلله انها عجبت حضرتك..
السلام عليكم
الأخت المحترمة بالطبع لى عودة لاحقاً للرد التفصيلى على كلامك الذى أراه حديثاً مطلق مسترسل فيه .. وهذا رأى خاص بى قد يصيب وقد يخطأ
.......
لكن إلى أن أعود أرجوا من الأخوة الكرام كاتبى التعليق أن يترفعوا فى تعليقاتهم ويتحدثوا حديثاً خلاقاً بعيداً عن أسلوب التريقة والسخرية ... ولكم ما شئتم فى طرحكم لكن لا تفرضوا على حديثاً به سخرية .. أعتقد أن هذا ليس من أخلاقيات الحوار
أنا اسف على التأخير فى الرد بس كل ما أفتكر أرد أنشغل فى شىء اليوم بليل هرد رد تفصيلى إن شاء الله
أستاذ أحمد ..
براحتك يا فندم خد وقتك .. أنا فى انتظار رد حضرتك فى أى وقت تكون فاضى فيه..
السلام عليكم ورحمة الله وبركاته
أولاً أعتذر تماماً عن التأخير فى الرد فوالله ما بيدى وقتى اليويمن دول مزنوق شوية ..
ثانياً سعيد جداً للحوار معك ومع الزملاء والأهوة والأخوات الفضليات
ثالثاً : أرجوا ان حوارنا يكون حوار هادف ومتحضر بعيد عن السخرية والسفسطة ولنا أن نختلف فى وجهات النظر بكل حرية ولكن فى ذات الوقت بكل تحضر دون أن نفترق
رابعاً : أخش على الموضوع الآن / :-
بالنسبة للجزء اللى تحدثتى عنه بخصوص معاقبة أو إقالة المخالفين فى مصر .
من قال لك أنه لا يوجد معاقبة أو إقالة أو محاسبة للمقصرين بالله عليك .. هل حديثك هذا موزون ؟ المسئول فى مصر بيقال وبيحاسب عندك مثلاً قضية محفوظ عبد الرحمن وقضايا رؤساء بنوك كثيرين شغالة فى المحاكم حالياً ..أووووووووه هقول ايه ولا ايه .. عندك وزراء تم إقالتهم لقصور بصورة سريعة وبدون تغيير وزارى شامل مثل وزير الصحة الأسبق إسماعيل سلام ووزير النقل وقتها أيضاً ... الموضوع ده مينفعش أمثله بأمثلة لأنه أكبر من مجرد مثال ولا مثالين ... انت عارفه المسئول أو القيادة الكبيرة بيزال ازاى .. مش فى جهاز اسمه جهاز الرقابة الإدارية وبيرأس هذا الجهاز انسان عظيم ورجل وطنى حتى النخاع وبطل من أبطال أكتوبر والجهاز المركزى للمحاسبات كذلك .. هذه الأجهزة ليست تابعة للحكومة للعلم وتؤدى عملها فى صمت شديد وقد حضرت لقاء مع رئيس الجهاز الرقابة الإدارية على مستوى الجمهورية بالطبع ( الجهاز المركزى ) وتحدث وأجاب عن سؤال .. لماذا يتم التأخر فى القبض على بعض المسؤلين فى بعض القضايا والتى تفوح رائحتهم للجميع ؟ فرد وقال هؤلاء مسؤلين كبار ويجب قبل القاء التهمة أو اتخاذ قرار تجاههم أن نجمع كافة الأدلة ونغلق كافة الثغرات عليهم بصورة دقيقة للغاية كى لا ينفذوا ونتأكد من صحة الإتهامات وهذا كله يجب أن يكون فى صمت شديد لأنه ان ثبت عدم صحة الإتهامات فقد نضر بسمعة هذا الرجل المسؤل وبالتالى نضر بسمعة مصر ومسؤليها ونفقد ثقة العالم بها وبقيادتها
وبعدين مين قال ان ده فى مصر بس ... انت مبتبعيش اللى بيحصل فى العالم ولا ايه ..رجاء لا تعممى الحديث دائماً وكونى دقيقة فى مثل تلك الأمور .
عندك مثال : اسرائيل اللى تكلمتى عنها أو أحد الزملاء رئيس الوزراء اللى واخد رشوة وعمولات وتسهيلات بقالهم 3 سنين بيقولوا هل هيتم استجوابه ولا لأ ..
فرنسا من حوالى خمس سنين وفى ولاية جاك شيراك الثانية وقبل الإنتخابات بشهرين أعلن عن تربح وكسب غير مشروع له وتم إخفاء الموضوع برمته ونجح فى الإنتخابات
أمريكا ذاتها مليئة بقضايا الفساد والتربح .. بوش ذاته سجله حافل بالفساد هو والنائب بتاعه ديك تشينى كفاية قضايا شركات الكهرباء وشركات الأمن فى العراق وشركة التوريدات الخاصة بتوريد أغذية الجنود الأمريكين فى العراق السجل حافل وطويل
أما النظام الروسى والصينى فحدث ولا حرج وحاولى تبحثى عن أسلوب الحكم هناك خصوصاً الصين ..للعلم الصين مفيهاش غير حزب واحد الحزب الشيوعى وروسيا على الرغم من انها تحولت للنظام الررراسمالى إلا انها مازالت محافظة على البعد الإشتراكى وآفاته وعندك الإنتخابات الرئاسية الأخيرة أقرب مثال
وعندك قايمة طويلة من دول زى فنزويلا وكوبا والأرجنتين والمكسيك وغيرها .. عندك صربيا .. وفضاائح تونى بلير رئيس الوزارء الإنجليزى قبل مغادرته
القائمة تطول والحكم المعمم اللى بتقوليه غير صائب
ورجاء حاولى تتابعى الجرائد الرسمية واقراى عن قرارات القبض على المسؤلين وإحالتهم للقضاء .. حاولى تقرأى وهتعرفى ان فيه محاكمات وهذا دليل على ان فى شرفاء وفى ناس بتبحث وبتدور وراهم .. طب هقولك على حاجة فاحت حول محافظ كفر الشيخ الأسبق الكثير من الشبهات فى آخر أيامه وعاوز أقولك ومن مصادر خاصة إن فى لجان سرية جت وبحثت حوله وحققت وتم إستدعائه للإستجواب وده كله سرى وفى النهاية تم احالته للتقاعد .. أليس هذا دليل على وجود جهاز رقابى يحاسب ويحاكم
طبعاً الصورة مش وردية وأكيد لازم يكون فى قصور لأننا بشر
لكن الفرق بقى بيننا وبين الدول الأخرى المتقدمة وخصوصاً الأوروبية ( للعلم نظرتى لأمريكا سلبية طبقاً لشواهد كثيرين ممن عاشوا بها وطبقاً لشواهد كثيرين من أهلها والموضوع هنا يطول الحديث عنه ) المهم : شوفى مسئولية الفرد هناك ... والله هتعجبى ...
صحيح هو الانسان اللى بيروح أى وحدة صحية ولا مستشفى يطلع أجازة مرضية بفلوس علشان يهرب وميروحش الشغل مش بيشارك فى الفساد .. ده ثقافة مجتمه محاجتة للتعديل والتغيير
ياشيخة ده يوم أما صالح كامل قال ان وصلات الدش سرقة هاجوا عليه وقالوا انت قليل الأصل .. تصورى وصلنا لتحيل الحرام والسرقة .. ده مش ثقافة مجتمع
بالطبع أنا لا أعمم فالصورة الأكبر أجمل وأحلى بكثير ومصر هتفضل بخير وهتفضل آمنه زى ما قال عنها ربنا سبحانه وتعالى فى كتابه الكريم " ادخلوها آمنين "
شوفى الموضوع له تكملة ولكن أنا نازل حالاً لى عودة بإذن الله اليوم لتكملة الحديث
انظروا ماذا يقول حميدة المعارض الشهير فى جنبات مجلس الشعب ؟
http://www.algomhuria.net.eg/algomhuria/today/fpage/detail04.asp
وانظروا للموضوع الذى يوجد أسفله فى نفس الصفحة الرئيسية
أليس هذا دليل على وجود رقابة ومحاسبة ؟
ها ايه رأيك فى الموضوع ده
أليس هذا دليل على وجود شرفاء وجهات تراقب وتحقق فى مصر
http://www.algomhuria.net.eg/algomhuria/today/fpage/detail01.asp
للعلم صدقينى فى سلبيات لكن كمان فى ايجابيات كثيرة وكثيرة جداً وحرام نتجاهلها
صحيح ايه رأيك فى مشروع مكتبة الأسرة .. أنا عندى كراتين من سنين بتاع 15 سنة ده غير المكتبة اللى مفيهاش نفس وأغلى كتاب أقصد مجلد كان ب 5 جنيه فقط لا غير .. بقى ده مش حسنة وحسنة عظيمة كمان ... طب ياشيخة ده انت فى اسكندرية كفاية عليك مكتبة الاسكندرية
( مجرد طرح عارض )
للعلم أنا زعلان أنا جيت وتحمستست للمشاركة ومفيش تفاعل
موضوع الحسنات ده غريب والاغرب المنطق اللي اتكلم بيه : تعليمي حسنة والشوارع مش حسنة وال...وال....
لا مش حسنة طبعا وبغض النظر عن المستوى الذي تقدمه الحكومة في هذه الاشياء (طبعا مستوى رااااااااااااااائع !!!!!)
يا سيدي الحكومة موجودة لتخدم الشعب لترفع عنه العناء وتقدم له الخدمات مش عشان تمن عليه باشياء لم تعملها اصلا ، الحكومة مسئولة عن تقديم الخدمات الاساية اللي حضرتك منيت بيها علينا فاذا اخفقت في واحدة (فقط واحده من هذه) تكفي لاقالة اتخن حكومة في العالم .
اخيرا لا اجد رد انسب من مقولة سيدنا عمر : لو ان بغلة بارض العراق عثرت لسئل عمر عنها !!!!!!!!!
بغلة مش بني ادم .....
في اخر ارض الخلافة(العراق) مش في العاصمة والمدن الرئيسية .
وعموما هذا الفكر هو نتاج تربية في مجتمع الف ان يضرب على قفاه ، الف ان تسلب حقوقه ، وان تبدد ثرواته وهو واقف يتفرج او يبرر لصاحب الامر سرقته ونهبه .
واسف على الاطالة بس كده كتيييييييييييييييييييييير.
اما عن الحكومات والحكام اللي واللي فارد بكلمة بسيطة :
انظر الى حال الشعب ، انظر الى كيف يعيش الشعب ؟ انظر مستوى الخدمات المقدم ....
ياسيدي قرا تقارير بعدد شعر راسي عن ثروات مصر ولك ان تتخيل ان اكثر التقارير غمطا لحق مصر وثرواتها تؤكد ان مصر دولة اكتفاء ذاتي بجميع المقاييس ؟!!!!!!!!!!!!!!!!!!!!!!
هل نتخيل ان مصر والسودان بهما من الثروات ما يكفي لامداد العالم العربي -بهائل تعداده - بالغذاء.
هؤلاء الذين تحدثت عنهم قارن ادائهم كلها وخدماتهم لشعوبهم في مقابل صفقة حقيرة عقدها لنفسه ستجد كما من الخدمات لا حصر له .
هذا كله مع تحفظي على المبدأ نفسه ؟!!!
اننا نحتكم الى قيم والى قانون لا الى مواقف واحداث .
اتهمت صاحبة المدونة بالتعميم وانت قمت به : من الوزير الذي اقيل لفساده ؟!!!!!!!!
هناك موظفون كبار يقالون نعم ، لانهم كبش الفداء .
الوزراء المقالون في مصر هم وزراء داخلية للاخفاق الامني فقط !!!!!!!
او وزراء اقيلوا في عهد السادات لاختلافهم السياسي اما وزير اقيل لفساده ؟!!! جديدة جايز تكون في مصر اخرى .
هل ينكر احد فساد احمد عز المرفوع عليه عشرات القضايا حاليا امام القضاء ( ويكفي احتكاره للحديد) بدأت الصحف من ثلاثة اسابيع ( طبعا الحكومية) بالترويج بان ارتفاع اسعار الحديد انما هو بسبب ارتفاع الاسعار العالمي ؟!!!!
ارتفاع الاسعار في العاالم كله بلغ نسبة تتراوح بين 20% الى 30% ارتفاع سعر الحديد- وبالمناسبة الزيادة من قبل ازمة ارتفاع الاسعار العالمية- بلغ نسبة تجاوزت ال 150% في سنتين ؟!!!!
اجريوم ؟!!!
تصدير الغاز لاسرائيل ؟!!!!
قتلى الخبز ؟!!!!
قرية البرلس ؟!!!!
ان واحدة من هذا كافية ان يقال فيها وزيرين على الاقل .... هذا بغض النظر عن اخفاق الحكومة والحزب الحاكم في تحقيق شيء بالمقارنة مع وجوده في الحكم منذ قديم الازل ؟!!!!
تشعرني وكان الحكومة والحزب الحاكم لسة متولين الامر السنة الماضية ؟!!!!!
حقيقة اسف على الاطالة ، واتمنى حضرتك تقول الكلام ده قدام فرن عيش عشان تعرف معنى المعاناة، واؤكد لك انك ستحس بالرد ولن تسمعه ؟!!!
إرسال تعليق