ديه صور لمؤتمر حاشد قام بيه الاخوان المسلمين فى الاسكندرية تحت شعار"معا ضد الفساد والاستبداد"
الاستاذ حمدى سليمان
مرشح الاخوان للمحليات..
الاستاذ صابر أبو الفتوح عضو برلمانى
الاستاذة وفاء السعيد ..
مرشحة الاخوان فى المحليات
المؤتمر كان حاشد جداا ومنظم بصراحة وده جانب من الحضور
تفاعل الجمهور مع الأناشيد
وطبعا طبعا الاخوة بتوع الأمن متعودين يشرفوا اى مؤتمر ..:)
واحنا مروحين ..البنت مروة صاحبة مدونة حلم الحرية بصتلهم بصرة شرانية وقالتلهم ..(طبعا بصوت محدش سمعه غيرى)
اشكرونا احنا اللى بنأكلكم ..:)
ومن غيرنا مش هتلاقوا شغل وهتقعدوا فى البيت..
شكلها اخوانجية البت ديه..
مممم.. صراحة روحت مبسوطة من المؤتمر ..بس مش فاهمة كان ايه الهدف منه..!!
مع ان كان فيه توصيات فى نهاية المؤتمر بس مش عملية .. او من وجهة نظرى..
عامة هى خطوة كويسة من الاخوان انهم يتحركوا فى مواجهة الفساد ومش بس المحليات ..بس الفساد اللى وصل بينا الحال لان الناس تصحى من الفجر تقف فى طوابير عيش اكتر من 5 ساعات..وده اللى صرحوا بيه فى المؤتمر..
هناك 12 تعليقًا:
السلام عليكم
شكرا لزيارتك بمدونتى اللى اتاحت لى الفرصه معرفة طريق مدونتك والحقيقه
فى ناس كتير غير الاخوان كانت بتحاول تتقدم للمحليات لكن الامن منع ذلك من خلال تعقيد الاجراءات وطبعا خطوه مهمه للاخوان
اى حد سواء كان اخوان او غير اخوان يتقدم ويحاول الاصلاح طبعا احنا نشجعه وندعمه المهم نتجمع على حب بلدنا عشان تقدر بلدنا تتخلص من المستبدين والضالمين
تحياتى
السلام عليكم
أختى الكريمة أبتسمى فأنت فى مصر
يا ريت تزورى مدونتى وتتفرجى على باقى المآسى اللى بنعانيها
تقبلى تحياتى
Je vois que vous êtes n't les questions touchant à effectuer ce mode, mais bon, peut à l'avenir être mieux w'll
Les derniers tableaux e7wan avons inclus beaucoup de question importante
Qui a été de nous rappeler comment peut-on marcher vers repairments et à éliminer les gouvernements deseaes
Désolé pour le mode d'écriture en français, mais tous les obstacles dans mon ordinateur moi à l'écriture arabe, même de façon aussi Anglais
Pailles 3likom
الفساد
اللي مالي مصر محتاج قنبلة نوويه تنضفه
شو اعلامي
بحبك يا مصر
مهما الاخوان عموا صعب يغيروا لوحدهم .. لازم الشعب كله يتكاتف عشان يحصل تغيير حقيقى
عمر المصرى
قريت المآسى..:(
بس ان شاء الله قريب كل المآسى ديه تختفى ويعيش شعب مصر حياه سوية بعيد عن كبت النظام الحاكم..
غير معروف
الشعب مش محتاج اللى يفكره بالاصلاح .. هو شايف المآسى وحاسس بيها بنفسه .. هو بس محتاج اللى يضع ليه خطة اصلاح يمشى عليها .. ومكن ديه تكون مسؤولية الاخوان او اى اصلاحيين فى البلد..
شكراا لمرورك
ـــــــــــــ
مفقوعة مرارتها من الست حماتها
القنبلة هتخلص علينا احنا كمان ..:)
نورتى المدونة..
ــــــــــــــــ
شهيد
ممم.. هو كان يبقى شو اعلامى لو بدون خطوات عملية بعد المؤتمر..عامة الاخوان معروف انهم الفئة اللى بتشتغل بجد للبلد.. الفئة الأقوى..
شكراا لمرورك
يعني المؤتمر مكانش شو اعلامي ؟
:)
ولو ممكن حضريتك تنقليلنا الخطوات العمليه
وخليني انا بعيد عن موضوع الاخوان ده عشان مانبوظش المدونة
مممم..هو أولا ان شاااء الله المدونة مش هتبوظ فحضرتك اكتب كل اللى عندك.
ثانيا انا لو اعرف الخطوات العملية اللى هيقوم بيها الاخوان مكنتش كتبت فى البوست انى مش عارفة ايه الهدف من المؤتمر..
شكراا على المرور مرة تانية...
طيب اقول يافندم
حضريتك ذكرتي ان المؤتمر يبقي شو اذا لم يتم وضع خطوات عمليه بعد الانتهائ منه
وفي نفس ذات الوقت حضريتك تبقولي انك مش عارفه الخطوات ديه ولا عارفه الهدف من المؤتمر مع ان حضريتك حضرتي
ده معناه ان منظمين المؤتمر اللي هما الاخوان مكانوش مهتمين اوي لا بالخطوات العمليه ولا بوجود هدف واضح للمؤتمر
يعني شو اعلامي
بالاضاه انه حتي لو وجد خطوات عمليه و هدف واضح
بردو هايبقي شو اعلامي تكسب منه الجماعه بقدر ما تبذل فيه من جهد
والعفوا علي الشكر بتاعي تاني مره :)
الموضوع فات عليه حوالي شهرين بس لفت نظري الصور اللي بعد المؤتمر بتاعت العربيات اللي ماشيه بسرعة دي والشارع .. صور فوتوجينيك رائعه وخصوصا التانية والتالته ..
كان في البوم عندي في الفيس بوك للصور اللي زي كده ..
آسف للخروج عن الموضوع بس الصور لفتت انتباهي ..
ياريت لو تلغي موضوع حروف التأكيد اللي بتتكتب قبل الرد اعتقد هيكون افضل .. ممكن الواحد يحاول تلات مرات قبل ما يتمكن من اضافة رد ..
ودمتم بخير
ملف كامل بالمستندات حول الفساد المستشرى بشركات الكهرباء .. "شركة جنوب الدلتا لتوزيع الكهرباء" كنموذج هذا الفساد في وزارة الكهرباء والطاقة المصرية،وجميع قيادات وزارة الكهرباء في صمت ويتخذون من سلطانه وسيلة للاضطهاد والتنكيل بالشرفاء للتكتم علي الفساد،،ونحن مستمرين حتي يتم محاكمة عاجلة لمن افسد واستغل منصبة لاهدار الملايين من المال العام في صورة صفقات ومصالح
http://www.ismailia.me/secrets/63245.html
*******************************************************
http://www.elbyan.com/news_details.php?id=1195
*****************************************************
http://www.elshaab.org/thread.php?ID=47889
********************************************************
http://elbadil.com/egypt-reports/2013/01/19/98272#.UQmLgccMasI.facebook
*****************************************************
http://www.youtube.com/watch?feature=player_detailpage&v=NWc8TqeWu1A
مقدم هذه الروابط
مهندس/اسامة ابراهيم احمد عفيفي
شركة جنوب الدلتا لتوزيع الكهرباء
مركز التحكم المزعوم- ادارة التشغيل
إرسال تعليق